İnternetin sürətli inkişafı həyatımızda bir çox yeniliklərə səbəb oldu. Bunlardan biri də rəqəmsal marketinqdir. Rəqəmsal marketinq internet üzərindən aparılan marketinq növüdür və özünü bir çox formada göstərir. Bunlara SMM, SEO, SEM, email marketinq, remarketinq, kontent marketinq, e-ticarət, displey reklamlar və s. aiddir. Ənənəvi marketinq isə marketinq fəaliyyətinin ənənəvi şəkildə, yəni qəzet, televiziya, radio, jurnal və s. vasitəsilə həyata keçirildiyi marketinq sahəsidir.

Motivasiyalı komandaya sahib olmaq biznesinizin uğurunun vacib hissəsidir. Biznesiniz yalnız o halda inkişaf edə bilər ki, hər gün öz vizyonunuzu həyata keçirmək üçün etibar etdiyiniz insanlar öz üzərinə düşəni düzgün və həvəslə yerinə yetirsinlər. Komandanızı motivasiya etməyin beş əsas şərti biznesiniz üçün aydın məqsədlər qoymaq və onları komanda üzvlərinə çatdırmaq, komandanızla daimi ünsiyyəti təşviq etmək, komanda işinə cəlb etmək, kollegial və mehriban ofis mühitini formalaşdırmaq və işçilərinizin dəyərli olduqlarını hiss etməsi üçün müsbət rəy təmin etməkdir.