Nabat Talks yalnız yerli şirkətlərlə deyil, həmçinin xarici şirkətlərlə də əməkdaşlıq edir. Qazaxıstandan gələn sahibkarlar qrupu ilə yerli biznes və biznes sahibkarlarına tanış olmaq fürsəti yaratdıq.

Bir neçə gün ərzində xarici qonaqlarımızı Azərbaycan iqtisadiyyatının inkişafına yönəlmiş investisiya imkanlarının artırılması və iki dövlət arasında iqtisadi əməkdaşlığın qurulması məqsədilə yerli istehsal sahələri, onların istehsal prosesi və kiçik bizneslərlə yaxından tanış etdik.

Təşkil etdiyimiz netvorkinq səhər yeməyində isə bir çox yerli sahibkarlarla, xüsusilə Nabat Talks üzvləri ilə yeni əlaqələr, tanışlıqlar yaradıldı. Netvorkinq zamanı bizim milli adət-ənənələrimizlə və yeməklərimizlə qonaqlarımızı tanış etdik, maraqlı oyunlar oynayaraq onlara ölkəmizi təmsil edən hədiyyələr qazandırdıq.

Bu görüşlər sayəsində artıq yerli sahibkarlarla, bir sıra fabrik və zavodlarla əməkdaşlıqlar qurulub. Hətta növbəti aylarda müqavilələr imzalanacaqdır. Bununla belə, xarici sahibkarlar milli kiçik bizneslərə də dəstək oldular.