24 fevral Alpha Omega komandasının "Red Hearts" xeyriyyə fondu üçün təşkil etdiyi gecə keçirildi.

Tədbirin keçirilməsində əsas məqsəd fondun işi və fəaliyyəti haqqında daha geniş kütlələrə məlumat verilməsi idi və bu məqsədlə tədbirə ölkənin ən tanınmış bloqerləri və nüfuzlu şəxsləri dəvət olundu.

Tədbir iki mərhələdə həyata keçirildi. Birinci hissə - rəsm master-klası idi ki, burada xeyriyyə məqsədilə hərraca qoyulmaq üçün rəsmlər çəkildi.

Birinci mərhələ çox uğurlu PR kampaniyası oldu, belə ki, sonradan fonda dəstək kəskin şəkildə artmağa başladı.

İkinci mərhələ - tədbirin özü, fondun fəaliyyəti haqqında daha çox insanın məlumatlandırılması üçün yekun nöqtə oldu. Ölkənin 50-dən çox tanınmış bloqer, mediya nümayəndələri və nüfuzlu şəxsləri tədbiri işıqlandırıb öz izləyicilərinə fondun işi barədə məlumat verdilər.

Gecəyə rəsmlərin alıcıları da dəvət olundu və həmçinin fonddan faydalanan şəxslər çıxış edərək fond haqqında öz düşüncələrini bölüşdülər.